Pilersaarut naapertorlugu ukiut arfineq-pingasut qaangiuppata inissiat 1600t Siorarsiorfimmi piareersimassapput. Aamma inissiat nutaat Nuummi inissaaleqinerujussuarmut iluaqutaassapput.
Ukiut qulit iluini Nunatsinni illoqarfiit pingaarnersaata inissiaqarfiisa sisamaat illoqarfiup nutaartaa Siorarsiorfik piviusunngorpat inuit qularnanngitsumik 5000it najugaqalersimassapput.
Kommuneqarfik Sermersuumi illoqarfiit pingaarnersaat pillugu periusissiami Nuummi 2030mi innuttaasut 30.000inngorsimanissaat anguniagaavoq. Illoqarfiit pingaarnersaanni inuit 18000it ataatilaaqqavaat, Kommuneqarfik Sermersuumi inissiaatileqatigiiffimmi Iserit A/Simi inissarsiortutut utaqqisut amerlaqaat.
”Ersarilluinnarporlu inuit amerliartuinnavissut Nuummi najugaqarusuttut. Tamatumalu kingunerisaanik inissianik attartortittakkanut inissarsiortut amerlasoorujussuupput, taamaalillunilu utaqqisutut allattorsimaffimmiittut amerlasoorujussuanngoqqallutik” taama oqarpoq Torben Kortegaard, Iserimmi pisortaasoq, nangillunilu erseqqissaatigalugu:
”Iserimmiit qularutiginagu nalilerpaat, qinigassatut periarfissat pissutaallutik piumaneqarnerat annertunerulersartoq. Tamanna tunngavigalugu paasinarpoq, ukiuni aggersuni amerlasuunik inissialiortiternissaq inissaaleqinermut iluaqutaassasoq aammalu nalinginnaasumik attartortittakkanik pitsaanerusumik oqimaaqatigiissaarutaassasoq. Taamaattumik nuannerpoq, illoqarfiit pingaarnersaanni Nuummi inissiat amerlanerulernissaannut qilanaaruteqarsinnaaneq. Nuup illoqarfiup nutaartaa qularutissaanngiivissumik inissaaleqinermik qaangiiniarnermut iluaqutaassaaq.”