Siorarsiorfik – Nuuk City Development A/S tallimanngornermi septembarip ulluisa 20-ani nal. 9:00 neqerooruteqarnissamut ullumi killeritinneqarnitumi Nuup illoqarfittaani atuarfimmik kiisalu meeqqerivimmi meeraaqqeriviutigisumik pilersitsinissamut neqeroortuteqartunik marlunnik tigusaqarput
”Suliffeqarfiit neqerooruteqarnissamut atortussanik inniminniissimasuni pingasuusuni marluk neqerooruteqarsimapput. Taasuma kinguneraa isumaqatigiissuteqarnissamut sulissuteqarnerup piffissaq naappertorlugu ingerlanneqarsinnaanera, massakkullu sanaartortussanik atorfissaqartitsinerup annertunera eqqarsaatigigaanni naammaginarluinnartumik inerneqarsoraara”, NCD-imi pisortaaneq, Jens B Frederiksen taamak oqarpoq.
Neqerooruteqartut tassaapput MT Højgaard aamma Ístak.
Sapaatit akunnerit tulliuttut neqeroorutit sukumiissumik atuarneqassapput, kingorna neqerooruteqartut isumaqatigiinninniarnikkut neqeroorutiminnik iluarsiissuteqarnissaminnik periarfissinneqassapput tamannalu inaarutaasumik pilersaarummik toqqaanissamut tunngavigineqassaaq. Isumaqatigiissuteqarnianerup nalaani atsioqatigiittoqarnissaatalu tungaanut akit piumasaqaatillu isertuuneqassapput.
Politikerinit, atuisunit, sanaartortitsisunut siunnersortinit, NCD-mit aamma suliaqartunit allanit peqataaffigineqartumik Nalilersuisartutut ataatsimiititaliortoqarpoq. Nalilersuisartutut ataatsimiititaliap qaammatini tulluittuni isumaqatiginninnniarnerup inernera pilersaarutillu misissuataasavaat, kingorna entreprenøri sorleq attavigineqassanersoq aalajangiukkumaarlugu.
Imaappoq, sanaartorneq ilimagisatut 2020-p affaani siullermi aallartinneqarsinnaavoq.
Atuarfiup nutaap ASK aamma USK taarsissavai, Blok P-ikkullu toqqammavigisimasaani Nuup illoqarfiata qeqqani sananeqassalluni, naammassineqarpallu atuartunik 1200-nik atuartoqarsinnaassaaq, sunngiffimmilu ornittakkami meeqqanik 400-nik inissaqartitsisinnaassalluni kiisalu meeqqerivimmik meeraaqqeriviutigisumik meeqqanik 130-nut inissaqartitsisinnaalluni.
Annertunerusunik paasisaqarniaraanni attavigineqarsinnaavoq Jens B. Frederiksen oqarasuaammut uunga sianerfigalugu, +299 49 95 95