Siorarsiorfik – Nuuk City Development A/S-ip Nuummi Pukuffimmi kommunip entreprenøreqarfiata eqqaani nutaamik qatserutaasivittaarnissaanut atatillugu neqeroortitsineq ingerlannikuuaa.
Qatserutaasivik 2800 kvadratmeterinit annertunerusoq marlunnik qulereeqartussaq, pitsaasunik sulisunut immikkoortortaqassaaq, garageqassaaq, biilinik asaasarfeqassaaq bilileriffeqassallunilu. Taamaalilluni pisoqarneq sioqqullugu, pisoqarnerup nalaani kingornalu inissaqarluarluni suliassat ingerlanneqarsinnaanngussapput.
Pisortaaneq Jens B. Frederiksen ilisimatitsivoq, sanaartornissamut sanaartortussatut MT Højgaard Grønland isumaqatigiissusiorfigineqarsimasut.
Pisortap ilisimatitsissutigaa, entreprenøritut ingerlatseqatigiit marluk neqerooruteqarsimasut aamma toqqaanissamut nalilersuutini aningaasanut tunngasortai isiginiarneqarnerusut.
Sanaartortoqalernera Borgmesterip Charlotte Ludvigsen nuannaarutigaa, oqarlunilu: “Illoqarfiup qeqqani – innuttaasunullu qanittumi inissisimasumik, nutaaliaasumik siunissamullu qulakkiikkamik qatserisarfeqalernissarput nuannaarutigaara.”
Borgmesterip aamma nuannaarutigaa, sulisut kajumissutsiminnillu qatserisartut Nuummi kommunimi upalungaarsimanermik suliaqarnissamut pitsaanerusunik atugassaqartinneqalernissaat, peqatigitillugu aamma inissisimaffissaa nuannaarutigaa, taamaalillunimi Nuuk tamaat eqqarsaatigalugu illoqarfiup immikkoortortassaa Siorarsiorfik ilanngullugu, pisoqartillugu pilertornerusumik apuuttarnissamut qulakkeerinneqataassaaq.
Qatserutaasivik nutaaq maajip aallaqqaataani 2022-mi piariissasoq naatsorsuutigineqarpoq.
Annertunerusumik paasisaqarniaraanni Jens B Frederiksen oqarasuaammut uunga sianerfigalugu, 499595 attavigineqarsinnaavoq.