Siorarsiorfik – Nuuk City Development A/S (NCD) tassaavoq illoqarfimmik ineriartortitsinermut ingerlatseqatigiiffik Nuummi illoqarfimmi ineriartortitsinermut aammalu illoqarfiup ilaanut nutaarluinnarmut Siorarsiorfimmut aningaasalersuinissamut, piareersaanissamut, sanaartorfissagissaanissamut, sanaartornissamut ingerlatsinissamullu Kommuneqarfik Sermersuumit 2017-imi oktobarimi pilersinneqartoq.
Nuummi illoqarfimmi ineriartortitsinerup ulluinnarni ingerlatsinermit avissaarsimatinnissaa Kommuneqarfik Sermersuumi kissaatigineqarpoq, taamaalillutik pilersaarutit annertuut ulluinnarni unammilligassat takkunneranni tunulliunneqartassanatik. Taamaattumik illoqarfimmi ineriartortitsineq NCD-imut isumagisassanngorlugu inissinneqarpoq. Illoqarfimmi ineriartortitsinermut suliassaq pisariusuuvoq aammalu suliassanik assigiinngitsorpassuarnik kalluaalluni. Taamaattumik suleqatigiinnik pikkorissunik, piginnaasaqartunik aammalu suliassamut naqqa tikillugu paasisimaarinnittunik ataatsimoortitsinissaq NCD-ip pingaartippaa. NCD pingaartumik piginnittoq sullitaralugu illunik ineriartitsivoq sanaartorlunilu, kisianni aamma pisortani allanik sullitaqarluni. NCD-ip tamatuma saniatigut Kommuneqarfik Sermersooq, Nukissiorfiit aamma Tele Greenland suleqatigalugit sanaartorfissagissaanermut suliassat isumagisarai aammalu suliassanik arlalinnik naammassinnereerluni kiisalu amerlasoorpassuarnik ineriartortitaqarluni.
NCD misilittagalimmik suliniutinut pisortamik sulisussarsiorpoq, illuliornermik sanaartornermillu suliassani allaffissornerup, IT-p, inatsisilerinerup aamma suliniutinik aqutsinerup akornanni suliassaqarfiit akimorlugit sulisinnaasumik. Suliniutinut pisortartaassaq pisortaanerup ataaniissaaq aammalu suliniutinik suliassanillu ataasiakkaanik aqutsinermi ikiuunnermilu qitiusumi inissisimalissalluni. Tamatuma saniatigut sulisut allat qanimut suleqatigineqassapput.
Suliniutinut pisortaq pisortaaneq peqatigalugu illuliornermik sanaartornermillu suliassat tamarmik ingerlanneqarnerannut akisussaasuuvoq, tassani ilaallutik ataqatigiissaarineq, pilersaarusiorneq suliarinninnerlu. Tassunga ilanngutissaaq suleqatigisartakkanik avataaneersunik, siunnersuisartunik pingaarnertigut suleqateqarneq ataqatigiissaarinerlu aammalu suliniutinut allaffimmi aqutsineq. Suliassat tamatigoortuummut aammalu ilaatigut tassaallutik:
- Suliniutinut allaffimmi ulluinnarni aqutsineq
- Siunnersuisartunut entreprenørinullu isumaqatigiissutinik suliarinninneq isumaqatigiissuteqarnerlu
- Isumassarsinermiit tunniussinermut illuliornermik sanaartornermillu suliassanik ataqatigiissaarineq
- Sanatitsisutut nakkutilliineq aamma sanatitsisumut siunnersuisartunik isumasioqateqartarneq
- Illuliornermi periaatsinik atortussanillu toqqaasarnermik ineriartortitsinissap pitsanngorsaanissallu sulissutigineqarnera
- CSR aamma piujuartitsinissap ukkatarineqarnerat
- Suliffiup iluani sulianik ingerlatitsinernik ilusiliussanillu ineriartortitsineq pitsanngorsaanerlu
Suliassat annertussusaat nikerassaaq aammalu piffissani aalajangersimasuni immikkut suliaqarnissaq pisariaqartussaalluni, taamatullu angalasarnissat naatsorsuutigineqassapput. Suliffiup inissisimaffia Nuummiippoq aammalu maleruagassat namminerlu akiliutissaq malillugit inissiamut innersuussisoqarsinnaavoq.
Suliniutinut pisortanngortussaq suliassanik annertunerusunik sanaartugassanillu suliniutinik aqutsinermik patajaatsumik annertuumillu misilittagaqassaaq. Tassunga ilanngutissapput:
- Ingeniøritut, konstruktøritut assigisaanilluunniit ingerlaqqiffiusumik ilinniagaqarsimasoq
- Danskisut tuluttullu allattariarsorneq oqalussinnaanerlu. Kalaallit oqaasiinut kulturiannilli ilisimasaqarneq iluaqutaassaaq, kisianni piumasaqaataanani
- Tamakkiisunut sanaartugassanut akigititassanut isumaqatigiissuteqarnernut misilittagaqarneq
- Suliniutinik aqutsisunut tunngatillugu sulisunik aqutsinermik misilittagaqarneq pitsaassaaq
- Issittumi pissutsinut misilittagaqarneq pitsaassaaq
- Sanaartugassanut akigititassanut isumaqatigiissutit aamma sanatitsisumut pilersuinerit akornanni suliassaqarfiit akimorlugit ataqatigiissaarinermik misilittagaqarneq
- Neqeroortitsinernik suliaqarnermik ingerlatsinermillu misilittagaqarneq
- Byggeweb atornissaanut misilittagaqarneq pitsaassaaq, ilanngullugit digitalimik nakkutilliineq aamma digitalimik tunniussisarneq
Matuma Kalaallit Nunaata oqaluttuarisaanerani illuliornermik suliassat anguniagaqarfiulluarnerpaat ilaattut pingaaruteqartutut inissinnissaa periarfissaqarpoq. NCD suliffeqarfiuvoq Kalaallit Nunaanni illoqarfiit pingaarnersaannut aammalu Kalaallit Nunaannut siunissami kinguaariiaani sunniisussaq, tamatumalu peqataaffiginissaa matumani periarfissaavoq. NCD-ip tamatuma saniatigut neqeroorutigai:
- Sullivik pikkorissuunermit sunnersimaneqartoq
- Ataqqeqatigiinneq, ataqatigiinneq aamma angusassat isigalugit aaqqiisarnerit ukkataralugit suleqatigiit ataatsimooqatigiilluartut
- Sullivimmi avatangiisit ineriartortuartut, inuttut suliatigullu ineriartornissamut periarfissaqarluni
NCD sulisussarsiorneq manna pillugu Pointer A/S-mut suleqatigiinnissamut isumaqatigiissuteqarpoq. Taamaattumik paasissutissanik itisiliisunik piniaruit Pointer A/S-imi pisortaq Inger Ingvardsen attavigisinnaavat uunga +45 29 36 86 36. Saaffiginninnerit tamarmik isertuussatut pineqassapput.
Qinnuteqaat piaartumik aammalu ajornanngippat kingusinnerpaamik ulloq 20. september 2021 nassiunneqassaaq uunga kam@pointersearch.dk.