Siorarsiorfik – Nuuk City Development A/S (NCD) suliffeqarfinnut neqerooruteqartitsinissamut piukkunnaateqartunik toqqaasoqanissamut aggersaavoq.

Nuup qeqqani atuarfissamut nutaamut alloriarneq siulleq pingaarutilik aallartippoq. NCD, suliffeqarfinnut neqerooruteqartitsinissamut suliassamut piukkunnartussarsiornissamut qinnuteqarnissamut aggersaavoq, tassani suliassaallutik atuarfik nutaaq, aammalu taassuminnga ingerlatsineq ukiunilu 30-ni aserfallatsaaliineq.

Maanna siullerpaamik pisortat sanaartugassaat tamanut neqeroorutigineqarpoq, taamaasillutik sanaartorneq, ingerlatsineq aserfallatsaaliinerlu ataatsimoortinneqassallutik, matumanilu sanaartornermi tamakkiisumik aningaasartuutissat aammalu illutaata tamakkiisumik atuuffissaani ingerlanneqarnissaa.

”Kommuneqarfik Sermersuumi Meeqqanut Atuarfeqarnermullu Ingerlatsivik, ilinniartitsisut, perorsaasut sanaartortitsisunullu siunnersortit pitsaasumik kinguneqarluartumillu suleqatigalugit atuisunut najoqqutassaq suliarineqarsimavoq suliap ingerlateqqinneqarnissaanut tunngaviliisussaq" NCD-mi pisortaq, Jens B Frederiksen unnersiorpoq nangillunilu: ”Neriuutigaarput piukkunnartorsioreerutta suliffeqarfinnik atuarfimmik siunissamut tunngassuteqarluinnartumik sanaartorsinnaasunik, aserfallatsaaliisinnaasunik ingerlatsisinnaasunillu toqqaasinnaanissarput.”

Atuarfittaassaq 1200-nik atuartoqartussaq Blok-P-p inissisimaffigisimasaani Ukaliusap Atuarfiata (USK) ullumikkut inissisimaffigisaata saniani sananeqassaaq.

Sanaartornermut ingerlatsinissamullu suliassamut ilaavoq AKO (ornittagaq) atuarfimmut atuarfiliornermut atatillugu meeqqanut 400-t tikillugit inissalik aammalu meeqqerivik meeqqanut 120-nut inissalik. Taavalu suliffeqarfik suliarinnittussatut toqqarneqartoq aamma sanaartukkat silataanni suliaqartussaavoq soorlu pinnguartarfinnik biilinullu uninngaartarfinnik.

Nutaamik atuarfiliornissaq meeqqeriviliornissarlu 2019-imi aallartittussatut naatsorsuutigineqarpoq.

Suliariumannittussarsiuussinissamut suliffeqarfiit ingerlatseqatigiiffiillu angisuut tallimat tikillugit piukkunneqartutut toqqagaasinnaapput.

Annertunerusunik paasisaqarniaraanni attavigineqarsinnaavoq Pisortaaneq, Jens B Frederiksen oqarasuaammut uunga sianerfigalugu, 499595.