Naak maannakkut piginnittoq taaguuteqaleraluartoq Siorarsiorfik – Nuuk City Development, illut inissiallu suli Iserit-imit aqunneqarput.

Siullermik Qernertunnguanut 8 aamma 10-mi najugalinnut 30-inut allagarsititsisoqarpoq paasiniarlugu, attartortut qassit, attartukkaminnik pisinissaminnik soqutiginninnersut. Piffissaliussap qaangiunnerani attartortunit 30-init 13-it akissuteqarsimapput, taakkunanngalu 7-it Qernertunnguanut 8-miit, periarfissinneqarnertik ilassilluarlugu akisimapput, annertunerusumillu paasissutissinneqarnissartik kissaatigalugu. Qernertunnguanut 10-miit 5 akissuteqarsimapput, marluinnalli periarfissinneqarnertik ilassilluarlugu akisimapput.

NCD-p najugaqartut tamaasa ukiumi nutaami paassissutissiinertalimmik ataatsimiigiaqquai. Inissiami ataatsimi attartortumiit piginnittunngornissaminnik amerlanerussuteqarpata, taava piginnittunngortitsinissamut suliassap aallartinnissaa NCD-p neriuutigaa.

Arlaatigut apeqqutinik akineqanngitsunik peqaruit/peqarussi uunga saaffiginninnissassinnut tikilluaqquneqarpusi:

  • Susie Kristiansen – e-mail: bolig@ncd.gl imaluunniit uunga sianerlutit paasiniaasinnaavutit 58 44 90 nal 10-14 akornanni.

Ilisimatitsissutitut oqaatigineqarsinnaavoq akissuteqartut 13-t akornanni koorimik assigiinngitsunik imalimmik NCD-mit makitsisoqarmat, makitaasorlu tassaavoq Trine Hjerrild, Qernertunnguanut 8-mi attartortut. NCD-p pinnattoq pilluaqquaa.