Sissaq sinerlugu aqqutip immikkoortua siulleq naammassivoq, maannalu Qapiarfiusaamiit Tuapannguit tungaannut Nuup Saavanut ingerlaqqilluni pisuttuartoqarsinnaalerpoq. Sissaq sinerlugu aqqummi Nuummi innuttaasut tikeraallu allatulaaq takusassaqarfiusumik pisuttuartarsinnaalerput, Nuup Kangerluanut qanittuarakasimmik.

Siorarsiorfik - Nuuk City Development A/S, Inuplan A/S teknikkikkut siunnersortigalugu aammalu AK Byggeteknik ApS suliarinnittoralugu pilersaarummik piviusunngortitsisuupput.

Sissaq sinerlugu aqqut naammassineqartoq eqqaaneqareersutut immikkoortoq siulliuvoq. Ungasinnerusoq eqqarsaatigalugu pilersaarutaavoq, sissaq sinerlugu aqqutip Nuup sissaa atuarlugu ingerlanissaa.