Siorarsiorfik – Nuuk City Development A/S-ip Nuup qeqqani atuarfissamut nutaamut piukkkunnartussarsiuussineq ingerlatereerpaa. Siorarsiorfik – Nuuk City Development A/S qinnuteqaatit tiguneqartut tunngavigalugit qinnuteqartut makkua piukkunnartussarsiuussinermi toqqarniarlugit aalajangerpoq:

  • MTH-DEAS, Atuarfik
  • Ístak

Neqeroortitsinermut najoqqutassat piukkunneqartunut taakkununnga 1. marts 2019 nassiunneqassapput, aammalu suliariumannittussarsiuussinerup ulloraa 14. juni 2019.

Suliassaq OPS-imi atugassarititaasut tunngavigalugit neqeroortitsivigineqarpoq, aammalu tassani ilaatinneqarput Nuup qeqqani sumiiffiup ilaani 1C32-imi ulluunerani paaqqinnittarfimmik akuleriisitsiviusussamik sananissaq. Tamatuma saniatigut neqeroortitsinermi ilaatinneqarpoq illutat silataanni nunaminertartaqartut, piffissamut ukiut 30-it angullugit ingerlanneqarnerat.

”Piukkunnartussarsiuussinerup ingerlanerata nalaani soqutiginnittorpassuaqarmat Siorarsiorfik – Nuuk City Development A/S-imi naammagisimaartorujussuuarput, aammalu suliassap piviusunngortinneqarnissaanut alloriarnissap tulliup pinissaa qilanaaraara,” oqarpoq Pisortaaneq Jens B. Frederiksen.

Paasissutissanik annertunerusunik piniarnermi Jens B. Frederiksen oqarasuaatip angallattakkap normuanut 499595-imut attaveqarfigineqarsinnaavoq.