Kalaallit Nunaata oqaluttuarisaanerani illuliortiternermik suliniummi pilersaarummi annertuumi pingaarutilimmeerusuppit? Suliffeqarfimmi illoqarfiit pingaarnersaanni nunatsinnilu kinguaariiaani sunniuteqarusuttumi sulinissamik kajumissuseqarpit? Taamaappat suliffissaqartippatsigit. Suliniutinut pisortap ataaniissaatit aammalu suliniutini suliassanilu ataasiakkaani aqutsinermi ikiuunnermilu qitiusumi inissisimassallutit. Tamatuma saniatigut sulisut allat qanimut suleqatigissavatit.

Suliassat tamalikaarput ilaatigullu makkua ilaallutik:

  • Nalinginnaasumik ataasiakkaatigullu suliniutini aqutsineq – ilanngullugu suleqatigiinni
  • Illuliornernik sanaartornernillu suliaqarnissanut sanaartugassanut pilersaarusiornermik neqeroortitsinermillu isumaginninneq
  • Isumassarsiamit tunniussinermut illuliornermik sanaartornermillu suliassanik isumaginninneq
  • Sanatitsisutut nakkutilliineq aamma sanatitsisumut siunnersortinik isumasioqataaneq
  • Illulioriaatsinik aamma atortussanik toqqaasarnermik ineriartortitsineq pitsanngorsaanerlu

Suleqatigissarsiorpugut:

  • Ingerlaqqiffiusumik teknikkinut ilinniarsimasumik
  • Teknikkikkut paasisimasaqartumik aamma suliniutinik aqutsinermik misilittagaqartumik
  • Suliniutinik aqutsinermut ilinniagaqarsimappat/akuersissummik allagartaqarpat pitsaassalluni
  • Aningaasaqarnermik aqutsinermi allaffissornermillu piginnaasaqartumik
  • Danskisut, tuluttut aammalu ajornanngippat kalaallisut allattariarsornikkut oqalunnikkullu pisinnaasaqartumik
  • Attaveqaqateqallaqqissumik paasissutissiillaqqissumillu
  • Ataqatigiissaarilluarsinnaassuseqartumik aammalu paasisimaarinniinnarsinnaasumik
  • Pilersuisunut avataaneersunut isumaqatigiissutinik aqutsinermik misilittagalimmik
  • Suliassani annertunerusuni sanatitsisutut misilittagalimmik


Tamatuma saniatigut IT-mik atuilluarsinnaavutit, Office pakke-miittut tamaasa, CAD/Revit-programmit, Bygge WEB aamma aningaasaqarnermik aqutsinermi sakkussat atornissaat sungiusimallugu.

Nalunngilarput kialuunniit tamakkerlugit pisinnaasaqarfigisinnaanngikkai, kisianni suliassat annertunerpaartaat sapinngikkukkit aammalu allatigut ilikkajallutit, soqutiginnilertussaavugut.

Neqeroorutigisinnaavagut:

  • Pikkorissuseqartumik sulineq malunnarluni sullivik
  • Suleqatigiit ataatsimooqatigiillaqqissut, imminnut ataqqeqatigiinnissaq, ataqatigiinnissaq aammalu angusassat eqqarsaatigalugit aaqqiissuteqartarnissaq aallunneqarlutik
  • Sullivimmi avatangiisit ineriartortuartut, tassani inuttut suliatigullu ineriartornissamut periarfissaqarlutit

Suliassat assigiinngisitaassasut aammalu piffissani aalajangersimasuni sulinerusariaqarnissaq piareersimaffigissavatit, taamatullu angalasarnissaq naatsorsuutigineqassalluni.

Aningaasarsiat aamma atorfininnermi atugassarititaasut piukkunnassutsitit naapertorlugit aalajangersarneqassapput. Atorfiup imarisai pillugit paasissutissat annertunerusut piniarneqarsinnaapput pisortaanermut Jens B. Frederiksen-imut mail-imut: jbf@ncd.gl imaluunniit oqarasuaammut 49 95 95.

Isumaqatigissutigineqarsinnaavoq ulloq atorfiniffissaq. Ajornanngippat 15. April 2020.

Qinnuteqaat ilinniarsimaneq, siusinnerusukkut suliffigisimasat pillugit paasissutissat, soraarummeernermut uppernarsaatit attuumassuteqartut assilineri il.il. ilanngullugit ulloq 6. marts 2020 tikitsinnagu nassiunneqassaaq uunga adm@ncd.gl. qinnuteqaatit tamarmik isertuussatut suliarineqassapput.