Kalaallit Nunaata oqaluttuarisaaneranni illuliortiternermik suliniummi pilersaarummi annertuumi pingaarutilittut ilaarusuppit? Suliffeqarfimmi illoqarfiit pingaarnersaanni nunatsinnilu kinguaariiaani sunniuteqarusuttumi sulinissamik kajumissuseqarpit? Taamaappat suliffissaqartippatsigit. Suliniutinut pisortap ataaniissaatit aammalu suliniutini suliassanilu ataasiakkaani ikiuunnermi qitiusumi inissisimassallutit. Tamatuma saniatigut sulisut allat qanimut suleqatigissavatit.

Suliassat tamalikaarput ilaatigullu makkua ilaallutik:

• Nalinginnaasumik ataasiakkaatigullu suliniutini aqutsineq – ilanngullugu suleqatigiinni
• Sanaartugassanik pilersaarusiornermik aammalu ilaatigut sanaartorfissagissaanermut suliassanik neqeroortitsinernik isumaginninneq
• Sanatitsisutut nakkutilliineq aamma sanatitsisumut siunnersortinik isumasioqataaneq
• Illulioriaatsinik aamma atortussanik toqqaasarnermik ineriartortitsineq pitsanngorsaanerlu

Suleqatissarsiorpugut:

  * Ingerlaqqiffiusumik ilinniagaqarsimasumik
  * Teknikkikkut paasisimasaqartumik aamma suliniutinik aqutsinermik misilittagaqartumik
  * Suliniutinik aqutsinermut ilinniagaqarsimappat/akuersissummik allagartaqarpat pitsaassalluni
  * Aningaasaqarnermik aqutsinermi allaffissornermillu piginnaasaqartumik
  * Danskisut, tuluttut aammalu ajornanngippat kalaallisut allattariarsornikkut oqalunnikkullu pisinnaasaqartumik
  * Attaveqaqateqallaqqissumik paasissutissiillaqqissumillu
  * Ataqatigiissaarilluarsinnaassuseqartumik aammalu paasisimaarinniinnarsinnaasumik

Tamatuma saniatigut IT-mik atuilluarsinnaavutit, Office pakke-miittut tamaasa, CAD-programmit, Bygge WEB aamma aningaasaqarnermik aqutsinermi sakkussat atornissaat sungiusimallugu.

Nalunngilarput kialuunniit tamakkerlugit pisinnaasaqarfigisinnaanngikkai, kisianni suliassat annertunerpaartaat sapinngikkukkit aammalu allatigut ilikkajallutit, soqutiginnilertussaavugut.

Suliffiuvugut pikkorissuseqartumik sulineq malunnarluni, suleqatigiit ataatsimooqatigiillaqqillutik imminnut ataqqeqatigiinnissaq, ataqatigiinnissaq aammalu angusassat eqqarsaatigalugit aaqqiissuteqartarnissaq aallunneqarlutik. Sullivimmi avatangiisit ineriartortuartut, tassani inuttut suliatigullu ineriartornissamut periarfissaqarlutit. Suliassat assigiinngisitaassasut aammalu piffissani aalajangersimasuni sulinerusariaqarnissaq piareersimaffigissavatit.

Aningaasarsiat atorfininnermilu atugassarititaasut piukkunnassuseqarnerit naapertorlugu aalajangersarneqassapput. Atorfinitsitsinermut atatillugu inissiamik innersuussisoqarsinnaanngilaq. Atorfiup imarisai pillugit paasissutissat erseqqinnerusut pisortaanermut Jens B. Frederiksen-imut apeqqutigineqarsinnaapput uunga mail: jbf@ncd.gl imaluunniit oqarasuaammut 49 95 95.

Qinnuteqaat ilinniagaqarsimaneq, siusinnerusukkut suliffigisimasat pillugit paasissutissat, soraarummeersimanermut uppernarsaatit naleqquttut assilineri il.il. nassiunneqassapput uunga adm@ncd.gl ulloq 1. november 2018 tikitsinnagu. Qinnuteqaatit tamarmik isertuussatut suliarineqassapput.