Kalaallit Nunaata oqaluttuarisaanerani illuliortiternermik suliniummi anguniaqarfiunerpaami pingaaruteqartutut ilaarusuppit? Suliffeqarfimmi illoqarfiit pingaarnersaanni nunatsinnilu kinguaariiaani sunniuteqarusuttumi sulinissamik kajumissuseqarpit? Taamaappat suliffissaqartippatsigit. Suliniutinut pisortap ataaniissaatit aammalu suliniutini suliassanilu ataasiakkaani ikiuunnermi qitiusumi inissisimassallutit. Tamatuma saniatigut sulisut allat qanimut suleqatigissavatit.

Suliassat tamalikaarput ilaatigullu makkua ilaallutik:

  • Suliniutinut nassuiaasiornerit aamma atuuffissanut illuliassanullu pisussanut pilersaarutinik suliaqarneq
  • Atuisunut teknikerinullu suliaqarluni ataatsimiititsinernik ingerlatsineq
  • Nalinginnaasumik ataasiakkaatigullu suliniutini aqutsineq – ilanngullugu suleqatigiinni
  • Teknikkikkut peqqusissutinik aamma businesscase-nik suliaqarneq
  • Sanatitsisutut nakkutilliineq aamma sanatitsisumut siunnersortinik isumasioqataaneq
  • Illulioriaatsinik aamma atortussanik toqqaasarnermik ineriartortitsineq pitsanngorsaanerlu
  • Suliassat ingerlaneranni ineriartortitsineq, aqutsisuuneq aamma aqutsineq

Suleqatissarsiorpugut:

  • Ingerlaqqiffiusumik ilinniagaqarsimasumik
  • Teknikkikkut paasisimasaqartumik aamma suliniutinik aqutsinermik misilittagaqartumik
  • Suliniutinik aqutsinermut ilinniagaqarsimappat/akuersissummik allagartaqarpat pitsaassalluni
  • Aningaasaqarnermik aqutsinermi allaffissornermillu piginnaasaqartumik
  • Kalaallisut, Tuluttut aamma Danskisut allattariarsornikkut oqalunnikkullu pisinnaasaqartumik
  • Attaveqaqateqallaqqissumik paasissutissiillaqqissumillu
  • Ataqatigiissaarilluarsinnaassuseqartumik aammalu paasisimaarinniinnarsinnaasumik
  • OPP-imut taamatullu OPS-imut tunngaviusumik ilisimasaqartumik

Tamatuma saniatigut IT-mik atuilluarsinnaavutit, Office pakke-miittut tamaasa, CAD-programmit, Projekt Planer, MathLab, DTP-programmit, Bygge WEB aamma aningaasaqarnermik aqutsinermi sakkussat atornissaat sungiusimallugu.

Nalunngilarput kialuunniit tamakkerlugit pisinnaasaqarfigisinnaanngikkai, kisianni suliassat annertunerpaartaat sapinngikkukkit aammalu allatigut ilikkajallutit, soqutiginnilertussaavugut.

Suliffiuvugut pikkorissuseqartumik sulineq malunnarluni, suleqatigiit ataatsimooqatigiillaqqillutik imminnut ataqqeqatigiinnissaq, ataqatigiinnissaq aammalu angusassat eqqarsaatigalugit aaqqiissuteqartarnissaq aallunneqarlutik. Atorfik imminut misissortarnissamik aalajangeeqataasarnissamillu annertuumik malitseqarpoq. Sullivimmi avatangiisit ineriartortuartut, tassani inuttut suliatigullu ineriartornissamut periarfissaqarlutit. Suliassat assigiinngisitaassasut aammalu piffissani aalajangersimasuni sulinerusariaqarnissaq piareersimaffigissavatit. Killilimmik angalasarnissaq naatsorsuutigineqarsinnaavoq.

Aningaasarsiat atorfininnermilu atugassarititaasut piukkunnassuseqarnerit naapertorlugu aalajangersarneqassapput. Atorfinitsitsinermut atatillugu inissiamik innersuussisoqarsinnaanngilaq. Atorfiup imarisai pillugit paasissutissat erseqqinnerusut suliniutinut pisortamut Olafur P. Nielsen-imut apeqqutigineqarsinnaapput uani mail: opn@ncd.gl imaluunniit oqarasuaat 551940.

Qinnuteqaat ilinniagaqarsimaneq, siusinnerusukkut suliffigisimasat pillugit paasissutissat, soraarummeersimanermut uppernarsaatit naleqquttut assilineri il.il. nassiunneqassapput uunga adm@ncd.gl ulloq 22. juni 2018 tikitsinnagu. Qinnuteqaatit tamarmik isertuussatut suliarineqassapput.