Illut ullutsinnut naleqquttut peqqinnartullu inersimasunut meeqqanullu pingaaruteqassusaat assigiippoq. Tamatuma saniatigut Nuup alliartornerani maannakkut atortuutigisat annikippallaariartulissapput. Taamaattumik NCD-mik pilersaarusiorneq aqqutigalugu pingaaruteqarpoq atuarfinnik, sunngiffimmi ornittakkanik meeqqerivinnillu nutaanik sanaartornissaq.

Atuarfiit meeqqeriviillu pitsaasut angajoqqaat Nuummi najugaqarusunnissaannut aalajangiisuulluinnartarputtaaq. Taamaammat NDC-mik pilersaarusiornikkut illut nutaaliaasut silami nunaminertaqartut pitsaasut pilersinnissaat aallutarineqarpoq.

Pilersaarutit angisuut

Atuarfiit ASK aamma USK isatigassaasut taarserlugit, Nuup qeqqani atuarfimmik nutaamik sanaartornissaq siunertaavoq. Qinngutsinni AHL-ip eqqaani alliliinissamut nunaminertamik agguaassisoqassaaq Siorarsiorfimmilu atuarfik nutaaq sanaartorneqassalluni.

Tamatuma saniatigut ilaqutariit meerartallit eqqarsaatigalugit paaqqinninnissamut inissat qularnaarnissaannut periarfissap qulakkeernissaanut atuareernerup kingorna ornittakkanik meeqqerivinnillu sanaartortoqassaaq.