Siorarsiorfimmi inissiat isikkivik eqqarsaatigalugu imminnut qanippallaassanngillat aamma nunap immini sivinganera naapertorlugu sanaartorneq pissaaq. Illut imminnut nikingatitsissammata tamarmik kangerlummut isikkivigissaassapput.

Matumani inissiat assigiinngitsut pineqarput, tamarmik ataatsimoorussallit, tassalu pitsaassuseqassasut, pingaarnertullu ilusissaattut kommunip najoqqutassiaq aallaavigalugu suliarineqassapput. Taamaalilluni pitsaassusissaq Issittumut naleqqussagaassaaq sumiiffimmilu isikkua naapertuunnerussalluni.

Inissiat nalinginnaasut salliunneqassapput

Peqatigitillugu kommune inissiarpassualiussaaq, pisariaqartitat piumasaqaatillu assigiinngitsut tamaasa eqqarsaatigalugit. Assersuutigalugu kikkunnut tamanut inissiaqartitsinissaq pillugu inissiat nalinginnaasut pingaarnerutinneqarluinnassapput.

Pisariaqartitsinerlumi annertuvoq, Nuummiunngortartut ukiumut 200-t 300-llu akornani amerleriartarput, sanaartukkallu aserfallannikorujussuullutik. Ataatsimut oqaatigalugu kommunip tamakkiisumik pilersaarutigaa, inissiat nutaat 4.200-t sanaartorneqassasut, taakkunannga 800-t Nuummi Qinngutsinnilu, taavalu 3.400-t Siorarsiorfimmi.