Nuup alliartornera illoqarfimmullu nuuttartut amerliartornerat ilutigalugit, meeqqat ulluunerani paaqqinnittarfinni ulluinnarnik toqqissisimanartunik atugassaqartitaanissaat pingaaruteqaqaaq. Meeqqeriviit nutaat naammassipput meeqqallu ulluinnarni pitsaasunik peqqinnartunillu atugaqarnissaannut qulakkeerinneqataallutik.
Meeqqeriviit marluk naammassipput. Tikiusaaq Inussiviup eqqaaniippoq, Qivioq Qapiarfiusaamiilluni. Meeqqeriviit tamarmik meeqqanut 96-inut inissaqarput.
Sanarfinermut Avatangiisinullu Ingerlatsivik aamma Kommuneqarfik Sermersuup sanaartortitsinermi siunnersortit LHB – Nuuk suleqatigalugit ukioqatigiinngitsunut meeqqerivinnik neqerooruteqartitsinermik ukiakkut 2019 ingerlatsipput.
Suliariumannittussarsiuussinerup kingorna ABC Pavilloner suliassamik tunineqarput.
Suliariumannittussarsiuussinerup kingorna suliniutit NCD-mit tiguneqarput, novemberimi 2019 ABC Pavilloner sanaartortussatut isumaqatigiissummik atsioqatigiissuteqarfigineqarput.
NCD-p sanaartortitsinermi siunnersortit LHB – Nuuk suleqatigalugit suliniummut atortussat nakkutilliiffigaat misissoqqissaarlugillu, kingusinnerusukkut Rambøll Grønland sanaartortitsinermi siunnersortitut atorneqarpoq.
Tunngavissat nunagissaanerillu sanaartortup ataani Permagreen A/S-imit upernaakkut aasakkullu 2020 suliarineqarput.
Illuliornermi immikkoortukkuutaat ukiakkut 2020 nappartiterneqarput ukiorlu taanna decemberimi naammassineqarput.
Ukioqatigiinngitsunut meeqqeriviit marluk 2021-p aallartinnerani atorneqalerput.