PAASISSUTISSAT KINGULLIIT: Suliassaq unitsinneqarpoq suliariumannittussarsiuinermi akit qaffasippallarnerat pissutigalugu.
Nuummi eqeersimaarneq suli erseqqinnerulissaaq illoqarfiup qitiusoqarfiani, illoqarfiup uummataata qitiusoqarfiullu pingaarnerup inissisimaffiani.
Nuuk Centerip ilaneqarnerata ilaatigut kingunerissavaa neriniartarfiit kaffisorniartarfiillu amerlinerat, pisiniarfiit amerlanerit inissaat aamma inissiat nutaat 38-it. Taakkununnga ilanngullugit tamanut silamiiffissaq aamma biilinut inissiivik qalisaq. Inissiat 66-it tassaassapput utoqqarnut inissiat aamma inissiat nalinginnaasut tamarmik aneerasaartarfillit.
NCD sanaartortitsinermik suleqatigiiffik “Narsarsuaq” 70% missaannik piginneqatigiissutaateqarluni peqataaffigaa. Peqataasut sinnerisa pisiniarfiit, neriniartarfiit namminersorlunilu suliniutit allat peqataaffiginissaat kissaatigaat.
NCD-p piginneqatigiissutai tassaapput inissiat 38-t missaat kiisalu illup immikkoortuata ilaani amerikamiut Sinniisoqarfiatut atugassaq. Sanaartortitsinermik suleqatigiiffimmik aqutsisut tassaapput NCD-mi pisortaaneq taanna siulittaasuusoq, ilaasortatullu atuuttut tassaapput NCD-mi aningaasaqarnermut pisortaq aamma suliniutinut aqutsisoq.
Sanaartornermik ingerlatsisut MT Højgaard, Istak aamma Permagreen suliassamik tamakkiisumik qaaqqusatut neqerooruteqartitsinermi ilaapput.
KHR Arkitekter, sanaartortitsinermik suleqatigiiffik aamma WSP suleqatigiillutik suliniutip titartagartaatut siunnersuummik suliaqarput. Suliassamik tamakiissumik ingerlatsisussatut ajugaasoq suliarinnittussamik toqqaanerup kingorna illussamik sanaartorneq tamakkiisoq tigummialissavaa.