Sissaq sinerlugu aqqusiaq, immikkoortua siulleq:
Sissaq sinerlugu aqqusiap immikkoortua siulleq Nuup Saavanit, Hans Egedetip aqqutaata nalaaniit Blok 17-ip naaneranut ingerlasoq, sanaartortitsinermi siunnersuineq suliassartaatalu suliariumannittussarsiuunneqarnera Inuplanimit ingerlanneqarput, AK Byggeteknik sanasutut sanaartortuuvoq aamma Polar El A/S suliassanik sarfamut tunngasunik ingerlatsivoq.
Suliap naammassineqarneranit ukiup ataatsip qaangiunnerani Iluarsissanik kukkunersiorneqassaaq suliniullu Kommuneqarfik Sermersuumut tunniunneqarpoq, tassannga siunissami ingerlatsineq aserfallatsaaliinerlu suliarineqassapput.