Ukioqatigiinngitsunut meeqqerivik nutaaq illoqarfimmi meeqqanut pitsaasunik sinaakkusiissaaq.
Ukioqatigiinngitsunut meeqqerivik nutaaq illoqarfimmi meeqqanut pitsaasunik sinaakkusiissaaq.
NCD-mit meeqqerivimmi meeqqanut sulisunullu sinaakkutissat qanoq innissaat annertuumik pingaartinneqarput. Perorsaasut suliaminnik ingerlatsineranni perorsaanermi periusissaannut aamma sanaartukkatigut sinaakkutissaannut tunngasumik Nuummi meeqqerivit aamma Danmarkimi meeqqeriviit tamarmik isumassarsiorfiusimapput.
Init angisuujupput qaamallutillu arpasaqattaarnermut, pinnguarnermut ulikattaarnissamullu init qaamasut angisuut inissaqarluarput. Immanut isikkiveqarpoq taamaattumik imaani angallaterpassuit sarsuajuartut meeqqat isaanit alapernaaserfigineqartuassallutik.
Ukioqatigiinngitsunut meeqqerivik meeqqanut 120 missaannut inissaqarpoq.
Aallartinnermi atuisoqatigiit sanaartornermi siunnersortit LHB – Nuuk aamma NCD suleqatigalugit atuisunut programimik suliaqarput.
Taanna tunuliaqutaralugu neqerooruteqarnermi atortussaq Inuplan aamma titartaasartoq Jane Carlsen suleqatigalugit suliarineqarput. Larsen aamma Co toqqavimmik suliaqartuupput kingorna meeqqerivik suliniutitut pingaarnertut neqeroorutigineqarluni. Tamanna isumaqarpoq suliniutitut atortussat naammassisat tunniunneqartussanngortut aamma sanaartortup nammineerluni ataani siunnersortinik atugaqarluni sanaartornermik ingerlatsissasut.
2020-p qeqqani suliariumannittussarsiuussinermi suliassaq MT Højgaardimut tunniunneqarpoq.
Sanaartorneq piffissaq eqqorlugu ingerlanneqarpoq aamma ukioqatigiinngitsunut meeqqerivik 2021-p naanerani atorneqarsinnaalissasoq naatsorsuutigineqassaaq.