Qatserisarfik nutaaq katillugu 2.800 kvadratmeterisut angissusilik Nuummi ungasinngitsumi takuneqarsinnaalissaaq.
Sulisunut atugassarititaasut pitsaasut, biilinut inissiiviit angisuut, asaasarfik aamma sannavik tassaapput qatserisartunit atugassarititaalersussat ilaannaat. Qatserisarfiup illoqarfimmi inissisimaneratigut periarfissaassaaq qatserisartut sukkasuumik innuttaasunut tamanut ornigutipallassinnaanissaat – aamma illoqarfiup immikkoortortaani nutaami najugaqalersussanut – Siorarsiorfik.
Qatserisarfiup tunniunneqarnissaa apriilip aallaqaataani 2022-mi pissangatinneqarpoq, ulloq maajip aallaqqaataat 2022 atorneqalerluni.
Kommuneqarfik Sermersooq aamma Nuummi qatserisarfimmi sulisut suleqatigiillutik atuisunut programmimik suliaqarput taanna suliariumannittussarsiuussinermi atortutut tunngavigineqarpoq.
NCD neqerooruteqartitsinermi atortumik 2020-mi ukiup qaammataasa pingajuannit naammassisussamik suliaqarput. Matumani sanaartornermik tamakkiisumik sulinermi atortussaq suliarineqarpoq.
Suliariumannittussarsiuussineq Permagreen aamma MT Højgaard peqataasoralugit oktoberi 2020 ingerlanneqarpoq, kingorna naliliisoqatigiit Kommuneqarfik Sermersooq, NCD aamma siunnersortinik inuttaqartut suliassamik MT Højgaard-imut tunniussipput.
Suliniummut atortussaq NCD misissoqqissaarneqarpoq akuerineqarlunilu sanaartortitsisut Torp Development suleqatigalugit.
Qatserisarfik apriilip aallaqqaataat 2022 tunniunneqassasoq naatsorsuutigineqarpoq, ulloq maajip aallaqqaataat 2022 atulerneqarluni.