Nuuk alliartupiloorpoq tassungalu atasumik nunagissaanermik suliassat amerlanerulerput.
Immikkoortut 4A6 A+B (Pinguaraq) kiisalu 4A8 aamma 4C3 (Ningitsivik)
Sanaartorfigiuminarsaanermut suliassanut neqeroorutit pissarsiarineqartut ikippallaarnerat akisuallaarnerallu tunngavigalugit immikkoortut arlallit angisuunngortillugit kattullugit neqeroorutigineqarput, taamaalilluni sanaartortussaq piffissami sivisunerusumi suliassaqartinneqassapput soorlu akit unamminarnerunissaat naatsorsuutigineqartoq.
Immikkoortut 4A6, Pinguaraq immikkoortup ilaa A+B kiisalu 4A8 aamma 4C3, Qinngutsinni Ningitsivik ataatsimut kattunneqarput aamma Inuplan kiisalu Rambøll Grønland suleqatigalugit neqeroorutigineqarlutik. Neqerooruteqartitsinermi atortussaq suli naammassinngitsoq aamma suli kattussinermik suliaqartoqanngitsoq.
Suliariumannittussarsiuussinermi suliassaq HJ-Tek A/S-imut tunniunneqarpoq tassannga AK Byggeteknik ApS, Byens Entreprenør og Minørfirma kiisalu FJ-EL ataani niuerfittut atorneqassapput.
Suliassamut ilaapput sarfamik, imermik oqarasuaatillu aqqutaannik pilersuinerit aamma kuuffilersuinerit, aqquserngit kiisalu qulliit napparutissaat.
Suliat pilersaarutit naapertorlugit ingerlanneqarput ulloq aggustip 31-at 2021 atorneqarsinnaanngorlugit tunniunneqassasut naatsorsuutigineqarluni.
B2B-4 (Qeqertat)
Immikkoortoq tassaavoq Qeqertani inuussutissarsiorfik.
Sanaartortitsisut NCD sinnerlugit nunagissaaneq Inuplan A/S-imit pilersaarusiorneqarpoq.
Kommuneqarfik Sermersooq kommunimut pilersaarummik allanngortitsinermik suliaqarpoq sanaartorfissatut immikkoortortaaqqaartut amerlineqarnerannik.
Suliniummut atortussat naqqissorneqaleruttorput aamma naatsorsuutigineqarpoq suliassaq 2021-p aallartinnerani neqerooruteqartitsinermik ingerlatsiffigineqassasoq.
4A7 (Mitsimmavik)
Immikkoortortaq tassaavoq Qinngutsinni Mitsimmavik. Pilersaarusiat suliarineqaleruttorput, neqoortitsineq natsorsuutigineqarpoq aasakkut 2021 pissasoq.