Nuup Nuussuullu akornanni aqqutissaq sullorsuaq aqqusaarlugu naanneruvoq, biilertartulli amerlasuut Nuussuaq aqqusaartarpaat ataasiinnarmik sammiveqarluni sullorsuakkoortoqarsinnaammat aamma qulliup angallannermi najoqqutassap aappalaartuunerani uninnganissaq pinngitsoorumallugu.
Sullorsuup allineratigut aqqusinermi angallattut pilertornerusumik ornitaminnut apuussinnaalissapput.
Qinngutsinnit Siorarsiorfiup tungaanut sullorsuaq nutaaq aamma pilersaarutigineqarpoq. Ukiuni qulikkaani qaangiuttuni Nuummi innuttaasut illoqarfimmi attaveqaasersuinerup malinnaatinneqarneranit sukkanerungaartumik amerlipput, taamaattumik sullorsuup allineqarneratigut illoqarfimmi angallannermi ullumikkut ajornartorsiutaasorpassuit ikiorserneqassapput.
NCD, Deloittemik suleqateqarluni niuerfimmik oqaloqatiginninnernik ingerlatsivoq, qulaajarumallugu Nuussuarmi sullorsuup piusup allineqarnissaanut aamma Qinngutsinnit Siorarsiorfimmut sullorsuarmik nutaamik sanaartornissamut sanaartornermik suliallit soqutiginnissinnaanerat.
Paasineqarpoq, suliassat najukkami nunanilu allani sanaartornermik ingerlatsisunit soqutigineqaqisut.
Sullorsuarmik piusumik alliliinermik suliaq siulliullugu aallartinneqassaaq tulliatut sullorsuarmik nutaamik sanaartorneq ingerlanneqarluni.
Sullorsuit marluk natsorsuutigineqarpoq 2023-mi atorneqarsinnaanngorlutik piariissasuut.